የባለአደራው ምክር ቤት መግለጫ ረብሻን በተመለከተ (ብርሃኑ ተክለያሬድ)

Satenaw: Ethiopian News & Breaking News: Your right to know!

በመግለጫው ላይ አባይ ሚዲያን ወክዬ ታድሜ ነበር እናም መግለጫው በፅሁፍ ተነቦ ከጋዜጠኞች ለተነሱ ጥያቄዎች ማብራሪያ መስጠቱ እስኪጋመስ ድረስ ፍፁም ሰላማዊ ነበር።

ድንገት እስክንድር ማብራሪያ ላይ በነበረበት ወቅት ሌባ! ዝም በል!! የሚሉ ጩኸቶች ተሰሙ ረባሾቹ ይዘውት ከነበሩት ፌስታል ውስጥ ባንዲራ አውጥተው ለበሱ።ወጣቶች መንገድ ዘግተው ወደ እስክንድር እንዳያልፉ ቢያደርጓቸውም በተደጋጋሚ እየተጋፉ ወደ እስክንድር ለመጠጋት ይሞክሩ ነበር።

ሁላችንም በቦታው የነበርን ሰዎች ቁጭ ብለውና ተረጋግተው ጥያቄ እንዲጠይቁ ብንነግራቸውም የተረፈን ስድብና ለመማታት ማስፈራራት ነበር።

ነገሩ እየጠነከረ ሲሄድ እስክንድር በሌላ በር ከክፍሉ እንዲወጣ ተደረገ የእርሱን ከክፍሉ መውጣት ተከትሎ ረብሸኞቹ ይዘውት የመጡትን ባንዲራ በየወንበሩ ወርውረው እየጮኹ ከህንፃው ወረዱ ።

አስገራሚው ነገር፦
እየተሳደቡና እየጮኹ ከህንፃው የወረዱት ወጣቶች በህንፃው በር ላይ የሰውና የመኪና መንገድ ዘግተው መግለጫ እየሰጡ ፖሊሶች ጥበቃ ያደርጉላቸው ነበር።

እስክንድር መግለጫ በሰጠባቸው ጊዜያት ሁሉ መጥተው የማያውቁ የቴሌቪዥን ጣቢያዎች ይህ ሊከሰት እንደሚችል ያወቁ ይመስል ግርር ብለው ከመገኘታቸው በላይ ረብሸኞቹ እየሰጡት የነበረውን መግለጫ ያስተባብሩ ነበር።

ይህ ሁሉ የሆነው በኛይቱ አዲስ አበባ ከአዲስ አበባ ፖሊስ ኮሚሽን 100 ሜትር በማይርቅ ቦታ ነው።

ይኸው ነው!!!!

The post የባለአደራው ምክር ቤት መግለጫ ረብሻን በተመለከተ (ብርሃኑ ተክለያሬድ) appeared first on ሳተናው: Satenaw Ethiopian News & Breaking News: Your right to know!.


የባለአደራው ምክር ቤት መግለጫ ረብሻን በተመለከተ (ብርሃኑ ተክለያሬድ)