ጠቅላይ ሚኒስትር ዶክተር አብይ የኖቤል የሰላም ሽልማትን በማሸነፋቸው የጅማ ከተማና አካባቢዋ ነዋሪዎች የተሰማቸውን ደስታ በሰልፍ ገለፁ

Satenaw: Ethiopian News & Breaking News: Your right to know!

አዲስ አበባ፣ ጥቅምት 02፣ 2012 (ኤፍ ቢ ሲ) የኢፌዴሪ ጠቅላይ ሚኒስትር ዶክተር አብይ አህመድ የኖቤል የሰላም ሽልማት ተሸላሚ በመሆናቸው የጅማ ከተማና አካባቢዋ ነዋሪዎች የተሰማቸውን ደስታ በሰልፍ ገለፁ።

ነዋሪዎቹ ዛሬ ጠዋት ከ12 ሰዓት ጀምሮ የተለያዩ የድጋፍ መልክት ያዘሉ ባነሮችን በመያዝ ነው በጅማ ስታዲየም በመገኘት ድጋፋቸውን የገለፁት።

የጅማ ከተማ ከንቲባ አቶ መኪዩ መሀመድ ሀገሪቷ ከሁለት አመት በፊት የነበረችበትን ሁኔታ በማስታወስ አሁን የመጣውን ለውጥ ለማሳካት ሁሉም ሀላፊነታቸውን እንዲወጡ ጥሪ አስተላልፈዋል።

የጅማ ዞን አስተዳዳሪ አቶ አብዱልሀኪም ሙሉ በበኩላቸው ለዶክተር አብይ የኖቤል የሰላም ሽልማት ሲሰጥ ሰላማችንን እንድንጠብቅ ለኛም ትልቅ ሀላፊነት እንደተሰጠን ልናስብ ይገባል ብለዋል።

በሰልፉ ላይ የተገኙት አቶ ሌንጮ ባቲ በበኩላቸው ጠቅላይ ሚኒስትሩ በአጭር ጊዜ ውስጥ ያመጡትን ስኬት በማንሳት፥ ከዚህ በኋላ መወቃቀስ አቁመን አገራችንን ወደ ፊት ለማራመድ እንነሳ ሲሉ ጥሪ አቅርበዋል።

በሙክታር ጠሃ

The post ጠቅላይ ሚኒስትር ዶክተር አብይ የኖቤል የሰላም ሽልማትን በማሸነፋቸው የጅማ ከተማና አካባቢዋ ነዋሪዎች የተሰማቸውን ደስታ በሰልፍ ገለፁ appeared first on ሳተናው ዕለታዊ ዜናዎች:ጥናታዊ ጽሁፎችና ዝማኔዎች: መረጃ ማግኘት መብተዎ ነው!.


ጠቅላይ ሚኒስትር ዶክተር አብይ የኖቤል የሰላም ሽልማትን በማሸነፋቸው የጅማ ከተማና አካባቢዋ ነዋሪዎች የተሰማቸውን ደስታ በሰልፍ ገለፁ